Aloziya leşkerî li dijî Şêx Meqsûd û Eşrefiyê

Heleb – Nûçegihanê Xeta Pêş

Di gaveke nû de ku xwezaya leşkerî ya êrîşkar a rejîma desthilatdar nîşan dide, bajarê Helebê îro rastî pêleke giran a şer û topbaranê hat, ku taxên Şêx Meqsûd, Eşrefiyê û herêma kargehên Layramûnê kirin armanc. Ev alozî, ku tê de çekên giran di nava taxên sivîl de hatin bikaranîn, jiyana bi hezaran karker û sivîlan xiste metirsiyê û herêmên pîşesazî û niştecihbûnê veguherand qada şer.

Leşkerîkirina hilberînê: Ji kargehan ber bi qişle yan ve Raporên meydanî diyar dikin ku “artêşa desthilatdariyê” bi rêya biryarên kêfî yên li dijî binesaziya hilberînê li Layramûnê, rê li ber vê êrîşê vekir. Li xala “Alem el-Qutn”, xwediyên kargehan û karker hatin neçar kirin ku cîhên xwe vala bikin, piştre ev kargeh hatin veguherandin navendên leşkerî.

Topbarana ji hundir: Bajar wekî rehîn hat girtin Dezgehên ewlehiyê hinek avahiyên îdarî yên di nava taxên sivîl de veguherandin navendên avêtina topan. Ev taktîk nîşan dide ku rejîm qet qîmetê nade jiyana sivîlan, dema ku ji dilê taxên qelebalêx topan diavêje ser Şêx Meqsûd û Eşrefiyê.

Berxwedana Gel li hember “Hêza Tazî” Tevî dijwariya topbaranê û bikaranîna çekên giran, hêzên êrîşkar nekarîn tu pêşketineke meydanî pêk bînin. Dîmenên ji taxên dorpêçkirî nîşan didin ku gel bi vîneke polat li ber xwe dide.

Dîtina Siyasî: Parastina rûmet û mafê jiyanê Partiya Çep a Şoreşger li Sûriyê piştgiriya xwe ya tam û prensîbî ji bo gelê Şêx Meqsûd û Eşrefiyê di parastina wan a rewa de nû dike. Em vê şerî wekî berdewamiya têkoşîna gelê Sûriyê ya li dijî sîstema zordar dibînin.

Şermezarî ji bo kujeran.. û rûmet ji bo berxwedana gel re.